Vegna takmörkunar á yfirvinnu starfsmanna Flugmálastjórnar Íslands mega viðskiptavinir stofnunarinnar búast við því að frá og með 1. febrúar 2010 verði sá afgreiðslutími sem líður frá því að tekið er við umsóknum um nýjar heimildir eða leyfi eða breytingar á núverandi heimildum eða leyfum mun lengri en áður. Þetta á sérstaklega við í þeim tilvikum sem um er að ræða sérfræðivinnu varðandi lofthæfi og flugrekstur.
Í ljósi þessa vill Flugmálastjórn hvetja viðskiptavini sína til að koma tímanlega með umsóknir og ganga úr skugga um að öll nauðsynleg skjöl fylgi með. Stofnunin mun leitast við að tilkynna, innan 10 daga frá móttöku gagna, hvenær vænta megi afgreiðslu á umsókninni.
Ennfremur er ljóst vegna takmörkunar á yfirvinnu að ekki verður unnt að hafa samband við sérfræðinga og eftirlitsmenn stofnunarinnar utan venjulegs dagvinnutíma í sama mæli og verið hefur.
Ef upp koma sérstakar og/eða brýnar aðstæður í flugrekstri sem kalla á á hraðari afgreiðslu umsókna geta viðskiptavinir lagt inn slíka beiðni til deildarstjóra eða framkvæmdastjóra flugöryggissviðs. Í þeim tilvikum verður metið hvort unnt sé að verða við slíkri beiðni án þess að það komi niður á afgreiðslu annarra verkefna. En um leið skal tekið fram að ef slík flýtimeðferð hefur aukakostnað í för með sér munu viðskiptavinir bera þann kostnað.
Flugmálastjórn gerir ekki ráð fyrir að takmörkun á yfirvinnu starfsmanna hafi áhrif á afgreiðslu skírteina einstaklinga annarra en Part66 skírteina.
Pétur K. Maack
Flugmálastjóri
meira
Ísland hefur gerst aðili að loftferðasamningi Evrópusambandsins og Bandaríkjanna sem skrifað var undir í apríl 2007 og tók gildi vorið 2008. Samningurinn veitir íslenskum flugrekendum sama rétt og flugrekendum í aðildarríkum Evrópusambandsins til farþega- og fraktflugs milli Evrópu og Bandaríkjanna. Er þeim heimilt að fljúga milli hvaða borga sem er í Evrópu og í Bandaríkjunum. Þá veitir samningurinn aukna möguleika á samstarfi milli flugfélaga beggja vegna Atlantshafsins svo sem til samvinnu um flugleiðir og leigu flugvéla svo og til eignarhalds evrópskra félaga í Bandaríkjunum og öfugt.
Þá hefur Ísland undirritað loftferðarsamning við Indland og er það fyrsti samningur ríkjanna á þessu sviði. Samningurinn heimilar flugrekendum ríkjanna að stunda áætlunarflug með farþega til tveggja ákvörðunarstaða í hvoru ríki auk áfanga- og viðkomustaða á flugleiðinni sem og víðtækra heimilda fyrir fraktflug. Samningurinn opnar einnig möguleika fyrir íslenska flugrekendur til að bjóða upp á leiguflug milli Íslands og Indlands. Þá styrkir samningurinn við Indland möguleika íslenskra flugrekenda sem hafa sinnt og vilja sinna verkefnum í þessum heimshluta.
Á síðasta ári voru loftferðasamningar áritaðir við eftirtalin ríki: Víetnam, Kúveit, Aserbaídsjan, Túrkmenistan, Sýrland, Dóminíska lýðveldið og Tyrkland.
meira
Allar flugvélar og þyrlur sem hafa tegundarvottorð (Type Certificate) útgefið af EASA þurfa nú að vera með Hljóðstigsvottorð. Á vef EASA er að finna upplýsingar um samþykkt hljóðstig fyrir allar gerðir flugvéla og þyrlna sem eru með EASA TC (http://www.easa.eu.int/ws_prod/c/c_tc_noise.php). Helst koma upp vandamál við að finna rétt hljóðstig ef loftförum hefur verið breytt fyrir stofnun EASA (28 september 2003) og vottun breytinga ekki verið framkvæmd hjá EASA, þá skortir stundum upplýsingar inn til EASA. Grunnreglugerð EASA (1592/2002) skilgreinir grunnkröfur til umhverfisverndar byggt á Viðauka 16 við Chicago sáttmálann (ICAO).
Hljóðstigsvottorðið EASA er gefið út á EASA Formi 45 af Flugmálastjórn Íslands í samræmi við hluta I í Parti 21 í reglugerð um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja, nr. 205/2007, (1702/2003).
Frekari upplýsingar um framkvæmd útgáfu og gjaldtöku.
Umsóknareyðublað um hljóðstigsvottorð.
meira
Um jól og áramót verður skrifstofa Flugmálastjórnar að Skógarhlíð 12 opin sem hér segir:
23. desember – Þorláksmessa 09:00-16:00
24. desember – Aðfangadagur LOKAÐ – Þjónustunúmer frá 09:00 – 12:00 fyrir brýna þjónustu sem ekki þolir bið er 847-3847
25. desember – Jóladagur – LOKAÐ
26. desember – Annar í jólum – LOKAÐ
27. desember – LOKAÐ
28. desember – 09:00 – 16:00
29. desember – 09:00 – 16:00
30. desember – 09:00 – 16:00
31. desember – 09:00 – 12:00
1. janúar 2010 – LOKAÐ
2. janúar 2010 – LOKAÐ
3. janúar 2010 – LOKAÐ
Flugmálastjórn Íslands óskar landsmönnum öllum gleðilegra jóla og farsæls komandi árs.
meira
Starfið felst einkum í eftirliti með lofthæfi loftfara og vottun og eftirliti með stjórnkerfum og fyrirtækjum sem annast viðhaldsmál.
Menntunar- og hæfnikröfur
Krafist er menntunar verkfræðings eða flugvéltæknis. Fimm ára reynsla af viðhaldi og/eða viðhaldstjórnun loftfara er æskileg, eða meistaragráða úr háskóla tengd lofthæfi loftfara. Ennfremur er þekking á hönnun loftfara og gögnum þeirra nauðsynleg og að viðkomandi þekki vel til úttekta og gæðakerfa. Viðkomandi þarf að hafa góð tök á íslensku og ensku.
Við leitum að starfsmanni sem hefur góða samskiptahæfileika, örugga og þægilega framkomu og mikinn áhuga á flugstarfsemi. Hann þarf að geta sýnt af sér frumkvæði í starfi, vera skipulagður í verkum sínum og unnið undir miklu álagi. Launakjör taka mið af viðeigandi kjarasamningum opinberra starfsmanna.
Í boði er áhugavert starf hjá Flugmálastjórn þar sem hæfileikar og frumkvæði fá notið sín. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í allt að sex mánuði. Flugmálastjórn áskilur sér rétt til þess að hafna öllum umsóknum.
Frekari upplýsingar um starfið gefa Ómar Þór Edvardsson deildarstjóri í lofthæfi- og skrásetningardeild (sími 569 4235 /omar@caa.is) og Einar Örn Héðinsson framkvæmdastjóri flugöryggissviðs (sími 569 4187 /einarh@caa.is)
Vinsamlegast sendið umsóknir til Flugmálastjórnar Íslands, Skógarhlíð 12, 105 Reykjavík fyrir 7. nóvember n.k. merktar:
„Flugmálastjórn – umsókn um starf eftirlitsmanns“
Flugmálastjórn Íslands er ríkisstofnun með u.þ.b. 40 starfsmenn. Hlutverk Flugmálastjórnar er að fara með stjórnsýslu á sviði flugmála innanlands og á alþjóðavettvangi, hafa eftirlit með hvers konar flugstarfsemi á vegum íslenskra aðila til að tryggja öryggi í flugi innanlands og utan. Flugmálastjórn leggur áherslu á jafnan rétt kvenna og karla til starfa.
meira
Flugmálastjóri hefur ákveðið að gerð verði breyting á starfi Páls S. Pálssonar, aðstoðardeildarstjóra í flugrekstrardeild Flugmálastjórnar Íslands á grundvelli 19. gr. laga um réttindi og skyldur starfsmanna ríkisins nr. 70/1996. Breytingin felur í sér tilfærslu Páls í starf deildarstjórar flugrekstardeildar.
Páll S. Pálsson hefur víðtæka þekkingu og reynslu. Hann lauk atvinnuflugmannsprófi árið 1995 og starfaði sem flugmaður á ATR42 og Boeing 737 til ársins 2003 hjá Íslandsflugi og Bláfugli. Þá starfaði Páll S. Hjá Flugfjarskiptum og kom einnig að þróun þjálfunarbúnaðar sem notaður er í flugstjórnarkerfum hjá Kögun. Páll S. starfaði m.a. í flugrekstrardeild Íslandsflugs áður en hann hóf störf hjá Flugmálastjórn Íslands árið 2005. Auk þess hefur Páll lokið þjálfun í flugöryggismálum hjá University of Southern California og námskeiðum í gæðamálum m.a. hjá Nigel Bauer & Associates.
Páll S. hefur frá 1.apríl 2008 gengt starfi aðstoðardeildarstjóra í flugrekstardeild. Áður starfaði Páll sem eftirlitsmaður í flugrekstardeild frá 17. maí 2005. Ráðning Páls í starf deildarstjóra tók gildi þann 1. október sl.
Flugmálastjórn Ísland óskar Páli S. til hamingju með starfið.
meira
Flugmálastjórn Íslands vekur athygli á því að það er enn í gildi aðlögunartímabil til 28. september 2011 varðandi lofthæfistaðfestinga-vottorð (ARC) fyrir loftför í almannaflugi. Þetta á við um loftför sem voru með lofthæfiskírteini í gildi þann 28. september 2008.
Þetta þýðir að eigendur / umráðamenn flugvéla sem voru með lofthæfiskírteini í gildi þann 28. september 2008 og hafa fengið þau endurútgefin ekki síðar en 28. september 2009 þurfa ekkert að gera að sinni. Við næstu endurútgáfu þarf hinsvegar að leggja fram samþykkta viðhaldsáætlun eins og skýrt er nánar í þessum gögnum. Hins vegar taka nú þegar gildi nýjar kröfur varðandi varahluti og flóknar viðgerðir
Sjá frekar leiðbeiningar og skýringar varðandi gildistöku Part M fyrir almannaflug
meira
Vesturlfug ehf hefur fengið flugrekstrarleyfi með heimild til flutninga- og verkflugs. Vesturflug ehf rekur eina þyrlu af gerðinni Eurocopter AS 350 B2. Flugmálastjórn Íslands óskar Vesturflugi til hamingju með áfangann og óskar þeim góðs gengis.
meira
Vegna breytinga sem taka gildi þann 28. september varðandi áframhaldandi lofthæfi loftfara hefur Flugmálstjórn birt sniðmát (template) fyrir viðhaldsáætlun sem hægt er að nota fyrir einkaflugvélar. Reglurnar og leiðbeiningarefnið gildir fyrir loftför sem eru ekki starfrækt á flugrekendaskírteini (AOC)
Umsóknareyðublað, leiðbeningar og sniðmátið er hægt að nálgast hér.
meira
Flugmálastjórn Íslands vekur athygli á breytingum sem taka gildi þann 28. september 2009 varðandi áframhaldandi lofthæfi loftfara. Breytingarnar eru tilkomnar vegna reglugerðar EC 2042/2003 viðauka I með áorðnum breytingum (EC 707/2006, 337/2007 og 1056/2008) og snerta einkum einkaflug, flugskóla og verkflug.
Flugmálastjórn Íslands mælir eindregið með því að eigendur/umráðendur loftfara svo og flugvirkjar og tæknistjórar setji sig strax vel inn í þessa reglugerð og þá einkum viðauka I (Annex I) sem fjallar um PART-M ( Íslensk reglugerð nr. 206/2007 sbr. 1047/2007).
Frekari upplýsingar um breytingarnar má finna hér á heimasíðu Flugmálstjórnar.
Vinsamlegast hafið samband við eftirlitsmenn lofthæfi- og skrásetningardeildar ef þið þurfið leiðbeiningar eða nánari upplýsingar.
meira
Með auglýsingum í Stjórnartíðindum nr. 728 og 729/2009 hafa Ákvarðanir Flugmálastjórnar Íslands nr. 3 og 4 öðlast gildi.
meira
Samgönguráðherra hefur samþykkt skipulagsreglur fyrir Reykjavíkurflugvöll og öðlast þær gildi við birtingu í Lögbirtingablaðinu í dag, föstudag 7. ágúst. Reglurnar og uppdrætti má sjá hér að neðan.
Uppkast að reglunum var kynnt á tímabilinu 17. mars til 14. apríl í ár. Þrettán athugasemdir og ábendingar bárust og voru ýmsar breytingar gerðar með hliðsjón af þeim. Greinargerð hefur verið send þeim sem gerðu athugasemdir.
Umsagnir um athugasemdir við skipulagsreglurnar(Word)
Reykjavíkurflugvöllur – skipulagsreglur – uppdráttur 1(PDF)
Reykjavíkurflugvöllur – skipulagsreglur – uppdráttur 2 (PDF)
Reykjavíkurflugvöllur – skipulagsreglur – uppdráttur 3(PDF)
meira
Ársskýrsla Flugmálastjórnar Íslands fyrir árið 2008 er komin út. Í skýrslunni fjallar Pétur K. Maack flugmálastjóri meðal annars um starfssemi eftirlitsstofnana og segir frá því að Flugmálastjórn Íslands fer með stjórnsýslu og eftirlit á sviði loftferða og er því bæði bakjarl þeirra sem stunda flug og varðhundur almennings gagnvart þeim og starfssemi þeirrra. Í skýrslunni koma auk þess fram tölulegar upplýsingar um flugflota íslenskra flugrekanda, flugtíma og fjölda skírteinishafa sem hafa skírteini í gildi gefin út af Flugmálastjórn.
meira
Samgönguráðherra, Kristján L. Möller, afhenti í dag fyrir hönd Flugmálastjórnar Íslands, við hátíðlega athöfn, Flugstoðum ohf. og Keflavíkurflugvelli ohf. starfsleyfi til að veita þjónustu á sviði flugleiðsögu auk þess sem ráðherra afhenti Keflavíkurflugvelli, fyrir hönd Flugmálastjórnar Íslands, flugvallarskírteini sem felur í sér heimild til reksturs flugvallar í flokki 1 til fimm ára.
Ný íslensk reglugerð nr. 631/2008 um starfsleyfi flugleiðsöguþjónustu, þar sem innleidd var reglugerð Evrópusambandsins, felur í sér að í dag þurfa þeir sem æskja þess að starfrækja flugleiðsöguþjónustu að sækja um starfsleyfi til Flugmálastjórnar Íslands (FMS). FMS sem sinnir hlutverki tilnefnds eftirlitsstjórnvalds, skal með vottun sinni tryggja að viðkomandi fyrirtæki uppfylli kröfur reglugerðarinnar. Með þessu hafa kröfur til veitenda flugleiðsöguþjónustu innan Evrópu og samevrópska loftrýmisins verið samræmdar.
Í dag hafa fjögur íslensk fyrirtæki starfsleyfi til að veita þjónustu á sviði flugleiðsögu, Flugstoðir ohf., Keflavíkurflugvöllur ohf., Veðurstofa Íslands og Flugfjarskipti ehf. en tvö síðastnefndu fyrirtækin fengu sín starfsleyfi í desember 2008.
Mikil vinna liggur að baki starfsleyfum hjá umsækjendum og ekki síður hjá Flugmálastjórn en undirbúningur hófst í byrjun árs 2007 þegar settur var á stofn starfshópur innan FMS sem hafði það verkefni að greina kröfur og setja verklagsreglur. Mikil og náin samvinna hefur verið í umsóknarferlinu á milli Flugmálastjórnar og fyrirtækjanna við að aðlaga handbækur að nýjum kröfum og nýju umhverfi og þar með að sýna fram á uppfyllingu reglugerðarinnar.
Þá er Keflavíkurflugvöllur ohf. fyrsti flugvöllur landsins til að fá flugvallarskírteini afhent til fimm ára og er flugvöllurinn þar með vottaður skv. Rg. nr. 464 um flugvelli frá árinu 2007. Vottun flugvalla á Íslandi hófst árið 2004 en þá var reglugerð um flugvelli fyrst gefin út hérlendis. Reglugerðin endurspeglar að mestu leyti Viðauka 14, Hluta I og II við Chicago sáttmálann hvað varðar flugvelli í flokki I.
Flugmálastjórn Íslands óskar Flugstoðum ohf. og Keflavíkurflugvelli ohf. til hamingju með áfangann.
meira
Ómar þór Edvardsson hefur verið ráðinn deildarstjóri lofthæfi- og skrásetningardeildar Flugmálastjórnar Íslands frá og með 1. júní 2009.
Ómar Þór hefur víðtæka þekkingu og reynslu. Hann lauk námi vélvirkjun frá Verkmenntaskólanum á Akureyri 1985, Flugvirkjun frá Sierra Academy of Aeronautics í Oakland í Kaliforníu í Bandaríkjunum 1988, flugvélarafeindafræði frá Southern Alberta Institue of Technology í Calgary í Kanada 1993 auk þess sem Ómar Þór er vélaiðnfræðingur með leyfisbréf útgefið af iðnaðarráðuneytinu árið 1996.
Ómar Þór hefur starfað sem eftirlitsmaður í deildinni frá því í nóvember 2001 en áður starfaði hann m.a. sem flugvirki og flugvélarafeindavirki hjá Landhelgisgæslu Íslands, Íslandsflugi, Atlanta og Continental Airlines í San Francisco í Bandaríkjunum.
Ómar Þór er giftur Báru Einarsdóttur og eiga þau tvo syni.
Flugmálastjórn Íslands óskar Ómari Þór til hamingju með nýja starfið.
meira
Keilir hefur fengið starfsleyfi til kennslu í flugumferðarstjórn samkvæmt nýrri reglugerð nr. 404/2008. Fram til október 2008 hefur allt nám flugumferðarstjóra farið fram á vegum þeirra sem veita flugumferðarþjónustu sem í dag eru Flugstoðir ohf. og Keflavíkurflugvöllur ohf. Nú geta aðrir skólar, sem uppfylla kröfur reglugerðar 404/2008, fengið kennsluleyfi frá Flugmálastjórn Íslands til að kenna grunnnám í flugumferðarstjórn og hefur Keilir nú slíka heimild ásamt Flugskóla Íslands.
Kennsluleyfi Keilis nær til grunnþjálfunar flugumferðarstjóra. Þetta er stór áfangi í uppbyggingu flugakademíu Keilis og mun fyrsti hópurinn útskrifast úr náminu í vor.
Flugmálastjórn Íslands óskar Keili til hamingju með áfangann.
meira
Flugráð ítrekar og telur afar brýnt að reynt verði til þrautar að ná fram undanþágum á grundvelli tillagna sem stýrihópur um losunarheimildir í flugi lagði fram í minnisblaði til samgönguráðherra 9. september 2008 að viðbættri tillögu um undanþágu vegna millilendingar á Íslandi í flugi yfir Evrópu vegna tæknilegra ástæðna.
Í stýrihópnum voru fulltrúar samgönguráðuneytis, utanríkisráðuneytis, umhverfisráðuneytis og Flugmálastjórnar Íslands.
Mikilvægt er að samningsmarkmiðin liggi skýr fyrir hið fyrsta og þar verði í forgangi krafan um að íslenskt innanlandsflug verði undanþegið kerfinu.
Ljóst er að gildistaka tilskipunarinnar er eftir 9 mánuði þegar flugrekendur hefja söfnun reynslu sem gefur aðgang að takmörkuðum sjóði ókeypis heimilda. Hætt er við, að samningsstaðan gagnvart ESB veikist ef tíminn er ekki nýttur vel og íslenskum kröfum um undanþágur verði vísað frá eða ná ekki fram vegna tímaþrots.
Flugráð mælist til að geta fylgst með framvindu málsins og samningaviðræðum við ESB.
Minnisblað stýrihóps um losunarheimildir i flugi um sérstöðu Íslands við setningu kvóta á losun koltvísýrings í flugi - tillögur um hugsanlegar undanþágur (dagsett 09.09.2008)
meira
Í árlegri viðhorfskönnun Capacent Gallup um traust almennings til Flugmálstjórnar Íslands í samanburði við tólf aðrar stofnanir og þróun þar á mælist Flugmálastjórn Íslands með traust almennings upp á 3,8 stig af 5 mögulegum sem er 0,1 stigi minna en í fyrra.
Flugmálastjórn heldur þó þriðja sæti í samanburði við aðrar stofnanir á eftir Háskóla Íslands og lögreglunni.
65,1% ber mikið eða frekar mikið traust til Flugmálastjórnar Íslands en 6,5% bera frekar lítið eða lítið traust til stofnunarinnar.
Viðhorfskönnunin var framkvæmd 11. til 25. febrúar 2009 með netkönnun og var úrtakið 2400 manns 18 ára og eldri af öllu landinu, handahófsvaldir úr Viðhorfahópi Capacent Gallup. Svarhlutfall var 62,8%
meira
Starfssvið deildarstjóra
Starfið felst í skipulagningu á starfsemi deildarinnar, samskiptum við erlenda og innlenda aðila varðandi lofthæfimál svo og bein þátttaka í verkefnum deildarinnar. Megin verkefnin eru heimildarveitingar varðandi viðhaldsstöðvar og viðhaldsstjórnun svo og eftirliti með lofthæfi loftfara, tæknilegri starfssemi flugrekenda og skrásetningu loftfara.
Menntunar- og hæfnikröfur
Krafist er menntunar flugvéltæknis eða flugvélaverkfræðings og ítarlegrar þekkingar á vottun loftfara, íhluta og rekstrareininga svo og viðhaldi og viðhaldsstjórnun. Umtalsverð reynsla annaðhvort er varðar upphafslofthæfi eða viðvarandi lofthæfi og viðhaldsstjórnun er skilyrði svo og a.m.k. fimm ára reynsla af úttektum og gæðakerfum. Nauðsynlegt er að viðkomandi þekki vel til krafna EASA á sviði lofthæfi, gæðakerfa, úttekta og nútíma úttektaraðferða. Viðkomandi þarf að hafa mjög góð tök á íslensku og ensku.
Við leitum að starfsmanni sem hefur góða samskiptahæfileika, örugga og þægilega framkomu og brennandi áhuga á flugöryggi . Hann þarf að sýna af sér frumkvæði í starfi og vera skipulagður í verkum sínum. Hann þarf að geta unnið undir miklu álagi. Launakjör taka mið af viðeigandi kjarasamningum opinberra starfsmanna.
Í boði er áhugavert starf hjá Flugmálastjórn þar sem hæfileikar og frumkvæði fá notið sín. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í allt að sex mánuði.
Frekari upplýsingar um starfið gefur Einar Örn Héðinsson framkvæmdastjóri flugöryggissviðs (sími 569-4187 og einarh@caa.is ) og Halla S. Sigurðardóttir framkvæmdastjóri stjórnsýslusviðs (sími 569-4305 og hallas@caa.is ).
Vinsamlegast sendið umsóknir til Flugmálastjórnar Íslands, Skógarhlíð 12, 105 Reykjavík fyrir 23 mars n.k. merktar:
„Flugmálastjórn – umsókn um starf deildarstjóra“
meira
|
Öryggisstjórnunarkerfi — Safety Management Systems (SMS)
Námskeið fyrir ábyrgðarmenn, gæðastjóra, flugrekstrarstjóra, yfirmenn þjálfunar, yfirmenn starfsemi á jörðu niðri og tæknistjóra |
|
Markmiðið er að gera þáttakendur færa um að beita öryggisstjórnun í sínum fyrirtækjum.
Á námskeiðinu er farið í öryggishugtök, öryggisstjórnun, hættur, áhættu, reglugerðir, skipulag SMS, rekstur SMS, innleiðing SMS, Flugöryggisáætlun
|
| Dagskrá dags 1 (08:30-14:30) |
| 08:30-12:00 |
Reglugerðaumhverfið (PSP), SMS fræðilegir hlutir (SVÓ) |
| 12:00-12:45 |
Matarhlé á staðnum |
| 12:45-14:30 |
SMS fræðilegir hlutir (SVÓ) |
| 14:30 |
Degi 1 slitið |
| |
|
| Dagskrá dags 2 (08:30-14:30) |
| 08:30-12:00 |
SMS fræðilegir hlutir (SVÓ), Tilkynningarskylda (YRY) |
| 12:00-12:45 |
Matarhlé á staðnum |
| 12:45-14:30 |
State Safety Programme (EÖH) |
| 14:30 |
Degi 2 slitið |
| |
|
| Dagskrá dags 3 (08:30-11:30) |
| 08:30-11:30 |
SMS praktískir hlutir (EÓ) |
| 11:30 |
Námskeiði slitið |
| |
|
| Dagsetning: |
3, 4 og 5.mars 2009 |
| Staður: |
Flugmálastjórn Íslands, Skógarhlíð 12, 5. hæð |
| Verð: |
80.000 kr. Allt innifalið, námsgögn og viðurværi |
| Hámarksfjöldi þátttakenda 16 manns |
Leiðbeinendur:
|
Einar Óskarsson, Einar Örn Héðinsson,
Páll S. Pálsson, Sveinn V. Ólafsson |
| Fyrirspurnir: |
pall.s.palsson@caa.is eða í síma 5694322 (Páll) |
| Skráning: |
solveig@caa.is |
| Dagskrá til útprentunar |
meira
Athygli er vakin á því að 1. febrúar 2009 mun COSPAS/SARSAT gervihnattakerfið formlega hætta hlustun og úrvinnslu á merkjum sjálfvirkra neyðarsenda á tíðnunum 121,5 og 243 MHz. Frá 1. febrúar 2009 verður því formlega einungis hlustun og úrvinnsla á merkjum á tíðninni 406 MHz sbr. C-NOTAM nr. 0005/09 BIRD COSPAS/SARSAT . Sjá nánar http://www.cospas-sarsat.org/MainPages/indexEnglish.htm
Frá 1. febrúar 2009 mun flugstjórnarmiðstöðinni í Reykjavík því einungis berast boð um senda á 121,5 MHz ef þau eru innan drægis frá móttökustöðvum á Reykjavíkurflugvelli og Vaðlaheiði. Einnig munu áfram berast boð um merki á tíðninni 121,5 MHz þegar flugvélar á flugi heyra í þeim og tilkynna það.
Á Íslandi er nú unnið að reglugerðarbreytingu varðandi kröfur um nýju neyðarsendana og munu þær breytingar verða kynntar fljótlega.
Í meginatriðum er gert ráð fyrir að kröfurnar verði svohljóðandi:
- Íslenskar flugvélar, eða flugvélar á vegum íslenskra aðila notaðar til einkaflugs og hafa fengið lofthæfiskírteini fyrir 1. júlí 2008 skulu búnar neyðarsendi, ELT. Flugmálastjórn Íslands getur veitt undanþágu til notkunar á sjálfvirkum sendi fyrir flugvélar sem sendir eingöngu á tíðninni 121.5 MHz að hámarki til 1. febrúar 2010.
- Íslenskar flugvélar, eða flugvélar á vegum íslenskra aðila notaðar til einkaflugs og hafa fengið lofthæfiskírteini eftir 1. júlí 2008 skulu búnar sjálfvirkum neyðarsendi, ELT (AF).
- Íslenskar flugvélar, eða flugvélar á vegum íslenskra aðila notaðar til verk- og kennsluflugs skulu búnar sjálfvirkum neyðarsendi, ELT (AF). Flugmálastjórn Íslands getur veitt undanþágu til notkunar á sjálfvirkum sendi fyrir flugvélar notaðar til verk- og kennsluflugs sem sendir eingöngu á tíðninni 121.5 MHz að hámarki til 1. október 2009.
Þess má geta að krafan um 406 MHz neyðarsenda hefur nú þegar tekið gildi t.d. í Danmörku og Svíþjóð. Málið er í undirbúningi í Kanada og víðar. Flugvélaeigendur eru hvattir til að huga að þessu máli og og koma sér upp þessari nýju gerð neyðarsenda við fyrsta tækifæri til tryggja að bestu mögulegu upplýsingar séu tiltækar þegar reynir á leit og björgun.
meira
Reglugerð þessi tekur til flutningaflugs í almenningsflugi með
íslenskum og erlendum flugvélum sem íslenskur flugrekandi notar eða
ræður yfir í samræmi við ákvæði OPS 1.1001 í viðauka I við reglugerð
þessa.
meira
Þau tímamót urðu tveimur dögum fyrir jól hjá Flugmálastjórn Íslands að gefin voru út starfsleyfi í flugleiðsöguþjónustu til handa Veðurstofu Íslands og Flugfjarskiptum ehf. Ný íslensk reglugerð nr. 631/2008 um starfsleyfi flugleiðsöguþjónustu, þar sem innleidd var reglugerð Evrópusambandsins, felur í sér að í dag þurfa þeir sem æskja þess að starfrækja flugleiðsöguþjónustu að sækja um starfsleyfi til Flugmálastjórnar Íslands (FMS). FMS sem sinnir hlutverki 
tilnefnds eftirlitsstjórnvalds, skal með vottun sinni tryggja að viðkomandi fyrirtæki uppfylli kröfur reglugerðarinnar. Með þessu hafa kröfur til veitenda flugleiðsöguþjónustu innan Evrópu og samevrópska loftrýmisins verið samræmdar.
Mikil vinna liggur að baki starfsleyfum umsækjendanna tveggja og ekki síður hjá Flugmálastjórn en undirbúningur hófst í byrjun árs 2007 þegar settur var á stofn starfshópur innan FMS sem hafði það verkefni að greina 
kröfur og setja verklagsreglur. Umsóknir Flugfjarskipta og Veðurstofu Íslands um starfsleyfi bárust í júní og júlí 2007 og náin samvinna hófst á milli Flugmálastjórnar og fyrirtækjanna við að aðlaga handbækur að nýjum kröfum og nýju umhverfi og þar með að sýna fram á uppfyllingu reglugerðarinnar.
Flugmálastjórn Íslands óskar Flugfjarskiptum ehf. og Veðurstofu Íslands til hamingju með nýju starfsleyfin og þakkar ánægjulegt samstarf í vottunarferlinu.
meira
Í ljós hefur komið villa í töflu í Reglugerð um flug- og vinnutímamörk og hvíldartíma flugverja, OPS 1.1115 - "Framlenging á flugvakt vegna hvíldar í flugi".
meira
Nýjar reglur gilda frá 12. janúar 2009 fyrir farþega sem ferðast til Bandaríkjanna. Sækja þarf um ferðaheimild á vefsíðu ESTA Electronic System for Travel Authorization hjá U.S. Department of Homeland Security.
Til að styrkja öryggisráðstafanir ferðalaga til Bandaríkjanna með rafræna vegabréfskerfinu hafa skilyrði til að ferðast án vegabréfsáritunar verið aukin. Þegnar landa í rafræna vegabréfskerfinu eru enn hæfir til að ferðast án vegabréfsáritunar en verða að hafa fengið samþykkta ferðaheimild áður en þeir fara til Bandaríkjanna.
Svona virkar ferðaheimildarferlið:
Heimavarnarráð Bandaríkjanna og Toll- og landamæraverðir Bandaríkjanna hafa útvegað öruggt vefsvæði með sjálfvirkt eyðublað fyrir þig eða þriðja aðila, til að fylla út til að sækja um ferðaheimild. Þegar þú hefur skráð persónu- og ferðaupplýsingar sem þarf á örugga vefsvæðinu, verður umsóknin unnin af kerfinu til að ákvarða hvor þú ert hæf(ur) til að ferðast til Bandaríkjanna undir rafræna vegabréfskerfinu án vegabréfsáritunar. Kerfið mun gefa þér sjálfkrafa svar og áður en farið er í vélina mun flutningsaðili ganga úr skugga um hjá Toll- og landamæravörðum Bandaríkjanna að þú hafir samþykkta ferðaheimild á skrá.
Sækja um ferðaheimild
meira
Starfssvið eftirlitsmanns
Starfið felst m.a. í eftirliti með lofthæfi loftfara, tæknilegri starfssemi flugrekenda og skrásetningu loftfara.
Menntunar- og hæfnikröfur
Krafist er menntunar flugvéltæknis eða flugvélaverkfræðings og ítarlegrar þekkingar á nýjustu reglum um viðhald og viðhaldsstjórnun. Þekking á hönnun loftfara og gögnum þeirra og a.m.k. fimm ára reynsla af viðhaldi og/eða viðhaldstjórnun loftfara er einnig nauðsynleg. Æskilegt er að viðkomandi þekki vel til úttekta og nútíma úttektaraðferða varðandi lofthæfi og viðhaldstjórnun loftfara . Viðkomandi þarf að hafa mjög góð tök á enskri tungu.
Við leitum að starfsmanni sem hefur góða samskiptahæfileika, örugga og þægilega framkomu og brennandi áhuga á flugöryggi . Hann þarf að geta sýnt af sér frumkvæði í starfi og vera skipulagður í verkum sínum. Hann þarf að geta unnið undir miklu álagi. Launakjör taka mið af viðeigandi kjarasamningum opinberra starfsmanna.
Í boði er áhugavert starf hjá Flugmálastjórn þar sem hæfileikar og frumkvæði fá notið sín. Öllum umsóknum verður svarað þegar ákvörðun um ráðningu hefur verið tekin.
Frekari upplýsingar um starfið gefur Sigurjón Sigurjónsson, deildarstjóri í lofthæfideild- og skrásetningardeild (sími 569-4117 og ss@caa.is) og Halla S. Sigurðardóttir framkvæmdastjóri stjórnsýslusviðs (sími 569-4303 og hallas@caa.is).
Vinsamlegast sendið umsóknir til Flugmálastjórnar Íslands, Skógarhlíð 12, 105 Reykjavík fyrir 15. desember n.k. merktar:
„Flugmálastjórn – umsókn um starf eftirlitsmanns“
Flugmálastjórn Íslands er ríkisstofnun með u.þ.b. 40 starfsmenn. Hlutverk Flugmálastjórnar er að fara með stjórnsýslu á sviði flugmála innanlands og á alþjóðavettvangi, hafa eftirlit með hvers konar flugstarfsemi á vegum íslenskra aðila til að tryggja öryggi í flugi innanlands og utan. Flugmálastjórn leggur áherslu á jafnan rétt kvenna og karla til starfa.
meira
EASA hefur tilkynnt að útgáfu draga að reglugerð (NPA - Notice of Proposed Amendment) um flutningaflug og reglugerð um flugrekendur utan EASA/ESB hefur verið frestað til loka janúar 2009. Jafnframt hefur tímafrestur til þess að skila inn athugasemdum vegna NPA fyrir skírteinareglugerð og krafna til fyrirtækja tengd flugrekstri, verið framlengdur til 28. febrúar 2009.
Nánari upplýsingar eru að finna á heimasíðu EASA
Vakin er athygli á því að nú eru til umsagnar á heimasíðu EASA drög að reglugerðum m.a. á eftirfarandi sviðum:
PART-FCL Skírteinamál - NPA 2008 - 17(a)
PART-MED Heilbrigðiskröfur - NPA 2008 - 17(c)
PART-OR Kröfur um stjórnkerfi fyrirtækja (Organisation requirement) NPA 2008 - 22(c)
Fljótlega er von á fleiri skjölum til umsagnar þ.m.t. PART-OPS varðandi kröfur um flugrekstur sem mun í framtíðinni leysa JAR-OPS og EU-OPS
Frestur til athugasemda er tilgreindur á heimasíðu EASA sbr. vefslóðina:
http://www.easa.eu.int/ws_prod/r/r_npa.php
Mikilvægt er að vanda athugasemdir og eru það gæði athugasemda sem skipta máli en ekki fjöldi athugasemda við tilteknar kröfur. Athugasemdum er komið til skila rafrænt og er það nánar skýrt á heimasíðu EASA. Mælst er til þess að afrit af athugasemdum sé sent til Flugmálastjórnar Íslands á netfangið fms@caa.is
meira
Flugskóli Íslands fékk í október, fyrstur íslenskra skóla, heimild til kennslu í flugumferðarstjórn samkvæmt nýrri reglugerð nr. 404/2008. Með reglugerðinni breyttist landslagið töluvert en fram að þessu hefur allt nám flugumferðarstjóra farið fram á vegum þeirra sem veita flugumferðarþjónustu sem í dag eru Flugstoðir ohf. og Flugmálastjórn á Keflavíkurflugvelli. Nú geta aðrir skólar, sem uppfylla kröfur reglugerðar 404/2008 fengið heimild frá Flugmálastjórn Íslands til að kenna flugumferðarstjórn og er Flugskóli Íslands fyrstur til að fá slíka heimild.
Kennsluleyfi Flugskóla Íslands nær til bóklegs undirstöðunáms í flugumferðarstjórn sem er hluti af grunnnámi flugumferðarstjóra.
Flugmálastjórn Íslands óskar Flugskóla Íslands til hamingju með áfangann.
meira
Flugmálastjórn Íslands hélt kynningu á öryggisstjórnunarkerfum (Safety Management Systems - SMS) og kröfum tengdum þeim fyrir flugrekendur fimmtudaginn 20. nóvember 2008. Fjölmennt var á kynningunni sem þótti takast vel. Flugmálastjórn þakkar þeim sem mættu og vonar að kynningin nýtist þeim í starfi.
Hér má sjá glærukynningarnar sem notaðar voru á kynningarfundinum:
Reglugerðir og kröfur tengdar öryggisstjórnunarkerfi (SMS)Grundvallaratriði öryggisstjórnunarkerfis (SMS)Öryggisstjórnunarkerfi (SMS)fyrir flugrekendurEASA from JARs to IRs - Requirements for Air Operations
meira
 Flugmálastjórn Íslands afhenti við hátíðlega athöfn þann 30. október s.l. flugvallaskírteini til flugvallarstjóra Pristina flugvallar í Kósóvó og vottaði þar með flugvöllinn samkvæmt kröfum og tilmælum í Viðauka 14 við sáttmála Alþjóðaflugmálastofnunarinnar (ICAO). Flugvöllurinn hefur því hlotið vottun til að þjóna borgaralegu flugi í alþjóðlegu millilandaflugi. Forsaga málsins er sú að í byrjun desember 2003 átti sér stað samtal milli Harri Holkeri, (Special Representative of the Secretary General (SPSR)) hjá Sameinuðu þjóðunum og Davíðs Oddssonar þáverandi forsætisráðherra Íslands þar sem falast var eftir því að íslensk stjórnvöld myndu koma að vottun og uppbyggingu flugvallarins. Í sama mánuði var samtalinu fylgt eftir með bréfi sem leiddi til samnings milli UNMIK (United Nation Mission in Kosovo) og íslenskra stjórnvalda sem undirritaður var í mars 2004.
|
 Meginverkefni Flugmálastjórnar Íslands á Pristina flugvelli, samkvæmt samningnum, var að flugvöllurinn gæti þjónað sem borgaralegur flugvöllur samkvæmt alþjóðlegum kröfum sem um slíka flugvelli gilda. Til þess að það væri hægt var Flugmálastjórn Íslands falið það verkefni að sjá um þjálfun og útgáfu skírteina fyrir flugumferðarstjóra og aðstoð og eftirlit með flugumferðarstjórn.
|
 Ennfremur að annast útgáfu Flugmálahandbókar (AIP Kosovo) og að koma á veðurþjónustu. Lang viðamesta verkefnið var vottun flugvallarins samkvæmt Viðauka 14. Því verkefni tengdist einnig veruleg ráðgjöf sem flugumferðar- og flugvallasvið Flugmálastjórnar Íslands annaðist í fyrstu en Flugstoðir tóku við á síðustu tveimur árum samningsins. Það verkefni náði til uppbyggingu flugumferðarstjórnar, framkvæmda á flugvellinum, tækjabúnaðar, uppbyggingu slökkviliðs og annarra deilda. |
 Auk þess var um að ræða þjálfun starfsmanna sem nauðsynleg er til flugvallarreksturs sem og þróun gæðakerfis og öryggisstjórnunarkerfis.
Strax á fyrsta ári verkefnisins voru gefin út skírteini 17 flugumferðarstjóra að lokinni þjálfun og heilbrigðisskoðun en seinna fengu 9 starfsmenn fulla þjálfun á Íslandi til að veita flugumferðarþjónustu . Alls hafa 26 Kósóvóbúar fengið þjálfun og skírteini flugumferðarstjóra frá Íslandi. |
 Vottun flugvallarins hófst strax í mars 2004 með upphafsúttekt eftirlitsmanna Flugmálastjórnar Íslands á flugvellinum. Úttektin tók til flugvallarins í heild sinni þ.m.t. innviða hans, s.s. tækjabúnaðar, flugbrauta, akbrauta og ljósabúnaðar. Úttektin tók einnig til daglegs reksturs flugvallarins, daglegra verkferla, reksturs og þróunar flugvallarins sem og gerð og innleiðing flugvallarhandbókar sem m.a. inniheldur öryggisstjórnunar- og gæðakerfi. Þessum verkefnum fylgdi þjálfun starfsfólks. |
 Þá störfuðu Íslendingar um lengri og skemmri tíma á flugvellinum, þ.á.m. var um tíma íslenskur flugvallarstjóri, gæðastjóri og slökkviliðsstjóri.
Á þessum fjórum og hálfu ári frá því fyrsta bráðabrigða flugvallarskírteinið var gefið út fyrir borgaralegan flugvöll hefur flugvöllurinn verið rekinn sem alþjóðlegur flugvöllur þar sem þó nokkur evrópsk flugfélög fljúga inn á og nota sem hluta af sínu leiðarkerfi.
Það segir kannski eitthvað að Airport Council International kaus flugvöllinn árið 2006 sem besta evrópska alþjóðaflugvöllurinn með færri en milljón farþega.
Flugmálastjórn Íslands er stolt af því hvernig til hefur tekist í þessu verkefni sem er ekki síst að þakka góðu samstarfi við Flugstoðir ohf., UNMIK og CARO (Civil Aviation Regulatory Office). Sem eini flugvöllurinn og jafnframt aðal tenging Kosovo við umheiminn hefur vottunin mikið gildi fyrir íbúa Kósóvó. |
meira
Umhverfisráðuneytið boðar til opins fundar um viðskiptakerfi Evrópusambandsins með losunarheimildir gróðurhúsalofttegunda og fyrirhugaðar breytingar á því.
Hér á landi er nú unnið að innleiðingu tilskipunar Evrópusambandsins um viðskiptakerfið. Flug mun falla undir gildissvið tilskipunarinnar frá og með 1. janúar 2012 og gert er ráð fyrir að ári síðar falli fleiri tegundir starfsemi þar undir, þ.á.m. áliðnaður.
Thomas Bernheim, sérfræðingur hjá framkvæmdastjórn Evrópusambandsins, flytur erindi um viðskiptakerfið og endurskoðun þess. Að því loknu verður efnt til pallborðsumræðna með þeim Pétri Reimarssyni, Samtökum atvinnulífsins, Kristínu Lindu Árnadóttur, forstjóra Umhverfisstofnunar, Árna Finnssyni, formanni Náttúruverndarsamtaka Íslands og Óttari Frey Gíslasyni frá EFTA.
Fundurinn verður mánudaginn 3. nóvember, kl. 14:00-16:00 í Sal B á Hótel Sögu. Hann fer fram á ensku. Þátttaka tilkynnist með tölvupósti á postur@umhverfisraduneyti.is.
meira
Flugmálastjórn Íslands mun halda kynningu á öryggisstjórnunarkerfum (Safety Management Systems - SMS) og kröfum tengdum þeim fyrir flugrekendur fimmtudaginn 20. nóvember n.k. kl.: 8:30 - 12:00 að Skógarhlíð 12 - 5. hæð.
Dagskráin verður í meginatriðum sem hér segir:
1. Grundvallaratriði SMS
Principles / basics of SMS
2. Reglugerðir og aðrar kröfur tengdar SMS
Regulations & standards relating to SMS
3. SMS fyrir flugrekendur
SMS approach for airlines
4. Spurningar
Questions
Kynningin er einkum ætluð tilnefndum yfirmönnum flugrekenda fyrir flugrekstur (JAR-OPS/EU-OPS) og viðhaldsstjórnun (PART-M), ásamt gæðastjórum og öðrum áhugasömum.
Staðfesting um þáttöku óskast send fyrir 10. nóvember n.k. og skal send á solveig@caa.is. Þáttökugjald er ekkert.
meira
Þyrlufélagið hefur fengið flugrekstrarleyfi með heimild til verkflugs. Þyrlufélagið rekur eina þyrlu af gerðinni Schweizer Hughes 269C. Flugmálastjórn Íslands óskar Þyrlufélaginu til hamingju með áfangann og óskar þeim góðs gengis.
Heimasíða Þyrlufélagsins
meira
Lokaskýrsla stýrihóps um losunarheimildir á koltvísýringi (CO2) í flugi er komin út. Samgönguráðherra skipaði í janúar s.l. stýrihóp sem ætlað var að meta heildræn áhrif kvótasetningar á losun koltvísýrings (CO2) í flugi. Að mati stýrihópsins er mikilvægt að íslensk stjórnvöld fylgist með málinu innan ESB og komi íslenskri sérstöðu á framfæri þar.
meira
Ársskýrsla Flugmálastjórnar Íslands fyrir árið 2007 er komið út. Í skýrslunni fjallar Pétur K. Maack meðal annars um flugmál á árinu og kynnir stefnu stofnunarinnar, gildi og markmið. Í skýrslunni koma auk þess fram tölulegar upplýsingar um flugflota íslenskra flugrekanda, flugtíma og fjölda skírteinishafa sem hafa skírteini í gildi gefin út af Flugmálastjórn.
Sjá skýrsluna í heild
meira
Ekki er lengur krafa um að handhafar skírteina sem nota talstöðvar við störf sín hafi sérstök talstöðvaskírteini sem Póst- og fjarskiptastofnun hefur gefið út. Í nýrri reglugerð um skírteini nr. 400/2008 er búið að fella niður greinar frá eldri reglugerð þar sem þessi krafa kom fram. Nýjar kröfur um tungumálakunnáttu hafa komið í staðinn og er sú kunnátta nú skráð í skírteinið, sem viðhengi við það til að byrja með.
meira
Sett hefur verið reglugerð um vernd og aðstoð við fatlaða farþega í flugi. Reglugerðinni er ætlað að tryggja að rekstraraðilar flugvalla og flugrekendur veiti þessum farþegahópi nægilega aðstoð og sporna þannig gegn mismunun gagnvart þeim.
Reglugerðin sem tekur gildi 26. júlí 2008 er innleiðing á reglugerð Evrópuþingsins og Evrópuráðsins nr. 1107/2006 frá 5. júlí 2006 um réttindi fatlaðs og hreyfihamlaðs fólks sem ferðast með flugi. Reglugerðin tekur til flugs innan landa Evrópusambandsins og evrópska efnahagssvæðisins.
Nauðsynlegt er að farþegar sem óska aðstoðar á flugvelli eða í flugvél láti vita af þeirri þörf þegar gengið er frá pöntun flugfars. Ber flugrekanda og/eða ferðaskrifstofu að koma beiðni farþega áfram til rekstraraðila flugvallar sem ábyrgð ber á því að veita aðstoðina.
Sjá frekari upplýsingar:
Réttur fatlaðra til þjónustu
Skipulagning ferðar
Fyrirkomulag aðstoðar
Lok ferðar
Synjun á flutningi
meira
Norðurflug hefur fengið heimild til farþega- og vöruflugs frá og með 19. júní 2008. Norðurflug hefur fram til þessa verið með leyfi til verkflugs og rekur þrjár þyrlur af gerðinni Eurocopter AS-350, SA-365N og Bell 206. Flugmálastjórn Íslands óskar Norðurflugi til hamingju með áfangann og óskar þeim góðs gengis.
Erindi sem flutt voru á kynningarfundar á vegum Flugráðs um áfangaskýrslu stýrihóps um
losunarheimildir á koltvísýringi (CO2) í flugi á Hótel Loftleiðum, fimmtudag, 5. júní kl. 10.00.
Mikilvægi og afleiðingar útblásturskvóta í flugi:
meira
Þann 18. janúar 2008 skipaði samgönguráðherra stýrihóp, sem ætlað er að meta
heildrænt áhrif kvótasetningar á losun koltvísýrings (CO2) í flugi, en á vegum
Evrópusambandsins (ESB) eru um þessar mundir til umfjöllunar tillögur um að
flugsamgöngur verði felldar undir tilskipun 2003/87/EC um viðskiptakerfi með
losunarheimildir gróðurhúsalofttegunda.
meira
Flugmálafélag Íslands stóð fyrir fjölmennum flugöryggisfundi um miðjan maí en flugvélaeigendur og einkaflugmenn voru sérstaklega hvattir til að mæta.
Matthías Sveinbjörnsson var fundarstjóri en fulltrúar Rannsóknarnefndar flugslysa fóru yfir alvarleg flugatvik sem gerðust á árinu 2007. Þá talaði Sigurjón Sigurjónsson deildarstjóri lofthæfi- og skrásetningardeildar Flugmálastjórnar Íslands um breytingar á reglugerðum um viðhald einkaflugvéla og Hlín Hólm flugumferðarstjóri og sérfræðingur Flugmálastjórnar tók mannlega þáttinn í einkaflugi fyrir.
Hér má sjá glærukynningarnar þeirra:
Viðhald einkaflugvéla-
Breytingar- Sigurjón Sigurjónsson
Mannlegi þátturinn og einkaflugið- Hlín Hólm
meira
Flugöryggisfundur verður fimmtudaginn. 15. maí 2008 á Hótel Loftleiðum og hefst fundurinn kl. 20:00
Fundarstjóri er Matthías Sveinbjörnsson
Dagskrá:
20:05 – 20:10 Opnun
20:10 – 21:00 Alvarleg flugatvik árið 2007 - Rannsóknarnefnd flugslysa
[Þorkell Ágústsson / Bragi Baldursson]
21:00 – 21:15 Kaffihlé
21:15 – 21:40 Viðhald einkaflugvéla - breytingar
[Sigurjón Sigurjónsson]
21:40 – 22:05 Mannlegi þátturinn og einkaflug
[Hlín Hólm]
22:05 – Stutt kvikmynd
Fyrirspurnir verða í lok hvers dagskrárliðar. Kaffiveitingar verða í boði Flugmálastjórnar Íslands
Allt áhugafólk um flugmál velkomið. Flugvélaeigendur og einkaflugmenn eru hvattir til að mæta.
Flugmálafélag Íslands
Flugmálastjórn Íslands
Flugstoðir
Rannsóknarnefnd flugslysa
www.flugmal.is
meira
Á málstofu Samgönguráðs um samgöngur og byggðaþróun sem haldin var á Hótel Sögu fimmtudaginn 17. apríl sagði flugmálastjóri að Íslendingar væru um 10 sinnum umfangsmeiri í flutningaflugi en Bandaríkjamenn miðað við höfðatölu.
Umfang flugs á Íslandi er staðreynd sem ekki allir gera sér grein fyrir. Ef teknir eru saman flugtíma íslenskra flugrekenda á árinu 2006 sem voru 195.000 má áætla að heildarverðmæti þess flugs væri yfir 120 milljarða virði. Á sama tíma sýna útreikningar Hagstofu Íslands að heildar framleiðslutekjur í flugsamgöngum voru um 85 milljarðar af 2.179 milljarða heildar framleiðsluvirði ársins 2006.
“Flug er gríðarlega mikilvæg starfssemi á Íslandi og í raun grundvöllur búsetu í landinu” sagði Pétur K. Maack flugmálastjóri. “Fjöldi farþega í innanlandsflugi árið 2007 er sá mesti frá upphafi en um 240 þúsund manns hafa flogið fram og til baka sem er heldur meiri fjöldi en metárið 1999 þegar samkeppnin í innanlandsfluginu var hvað mest”.
Um 470 þúsund Íslendingar fóru úr landi með flugi árið 2007. Íslendingar eru flugþjóð að mati flugmálastjóra “Íslendingar ferðast með flugi nú til dags og vilja ferðast með flugi”
Sjá glærur af fyrirlestrinum sem flugmálastjóri flutti.
meira
Stefnumótun í samgöngum
Samgönguráð efnir til sjötta fundar í fundaröð sinni um stefnumótun í samgöngum. Fundarefnið að þessu sinni er:
Samgöngur og byggðaþróun
Ferðavenjur sumarið 2007 – Bjarni Reynarsson, skipulagsfræðingur, ráðgjafi hjá Land-ráði sf.
Fjárhagsstaða hafna/vandi landsbyggðarinnar – Sveinn Agnarsson, hagfræðingur, Hagfræðistofnun HÍ
Flug og byggðaþróun – Pétur Maack, flugmálastjóri
Búferlaflutningar og samgöngubætur á Íslandi 1986-2006 – Vífill Karlsson, hagfræðingur, dósent við Háskólann á Bifröst
Staðsetning íbúðarhúsnæðis og tengsl við verð á Stór-höfuðborgarsvæðinu – Ásgeir Jónsson, hagfræðingur, forstöðumaður greiningardeildar Kaupþings
Umræður og fyrirspurnir
Fundarstjóri er Dagur B. Eggertsson formaður samgönguráðs
Fundurinn verður haldinn fimmtudaginn 17. apríl 2008 kl. 14:30 – 17:00 á Hótel Sögu Reykjavík í salnum Harvard II. Fundurinn verður jafnframt sýndur á Veraldarvefnum á slóðinni: www.straumur.hotelsaga.is – að því búnu er valið: Samgönguráð. Aðgangur er ókeypis. Væntanlegir þátttakendur eru vinsamlegast beðnir að skrá sig á netfangið postur@sam.stjr.is eigi síðar en klukkan 12:00 þann 17. apríl 2008.
meira
Ný gjaldskrá fyrir þjónustu Flugmálastjórnar Íslands hefur tekið gildi. Smellið á tengilinn til að skoða.
Gjaldskrá nr. 158/2008
meira
Breytingar hafa verið gerðar á skipuriti Flugmálastjórnar Íslands með því að færa stjórnsýslu, vottun og eftirlit með flugleiðsögu- og flugvöllum undir eitt svið. Það er gert til þess að leggja áherslu á mikilvægi þessa málaflokks til jafns við vottun og eftirlit með flugrekstri og lofthæfi.
meira