Einkaflugmannsskírteini

Hvað þarf að gera til að fá útgefið einkaflugmannsskírteini?

Sjá C kafla í reglugerð nr. 401/2008 sem er um skírteini flugmanna á flugvél.

Byrjað er á því að skrá sig á námskeið fyrir einkaflugmannsskírteini í skráðum eða samþykktum flugskóla.

Námið er bæði bóklegt og verklegt. Ef flugneminn er orðinn 16 ára og hefur á einkaflugmannsnámskeiðinu flogið minnst 12 tíma með kennara, sem telur hann hæfan, getur hann eftir fyrsta einflug sótt um flugnemaskírteini hjá skírteinadeild flugöryggissviðs Flugmálastjórnar. Fyrir fyrsta einflug þarf heilbrigðisvottorð sem fluglæknir gefur út.

Bóklegt einkaflugmannsnámskeið

fer fram samkvæmt sérstakri námskrá sem í felast 9 námsgreinar. Að loknu námskeiði heldur Flugmálastjórn bókleg einkaflugmannspróf, sem þarf að ljúka á ekki lengri tíma en 18 mánuðum með einkunn ekki lægri en 75% í öllum námsgreinum. Áður en 24 mánuðir eru liðnir frá því að bóklegu prófi lauk þarf verklegu námskeiði og prófi að vera lokið, minnst 45 fartímum, þar af m.a. 25 fartímum með kennara og 10 einflugstímum. Bóklegum prófum þarf alltaf að ljúka áður en leyfilegt er að fara í verklega prófið

Verklegt einkaflugmannspróf

Þegar öllu námi er lokið fær flugneminn útskrift frá skólanum og sækir um verklegt einkaflugmannspróf, s.k. færnipróf, hjá prófdómara Flugmálastjórnar. Það er sótt um í skírteindeild flugöryggissviðs Flugmálastjórnar. Prófið þarf að taka áður en 6 mánuðir eru liðnir frá því að verklegu námi lauk. Bóklegum prófum þarf alltaf að vera lokið áður en verkleg próf eru þreytt. Að færniprófi loknu er sótt um einkaflugmannsskírteini hjá skírteinadeild en til þess þarf umsækjandi að vera orðinn 17 ára og vera handhafi 2. flokks heilbrigðisvottorðs. Til að byrja með fá einkaflugmenn yfirleitt flokksáritun á litlar einshreyfils landflugvélar með bulluhreyfli (SEL).

Hvað má handhafi flugnemaskírteinis gera?

Hann má fljúga einn undir handleiðslu flugkennara á verklegu námskeiði fyrir einkaflugmannsskírteini. Sjá B-kafla í Reglugerð nr. 401/2008 sem er um skírteini flugmanna á flugvél.

Hvað má handhafi einkaflugmannsskírteinis gera?

Hann má, ef skírteinið og heilbrigðisvottorðið er í gildi, stjórna öllum þeim flugvélum sem hann hefur áritun á sem er í gildi. Hann má fljúga með farþega en ekki taka greiðslu fyrir. Hann er ekki atvinnuflugmaður. Til að flytja farþega þurfa flugmenn alltaf að hafa áður framkvæmt 3 flugtök og 3 lendingar á síðustu 90 dögum á viðkomandi tegund loftfars.

Hvað er áritun í skírteini?

Til þess að geta neytt þeirra réttinda sem felast í skírteini flugmanns þarf skírteinið og áritanir í því að vera í gildi. Til þess þarf að framlengja eða endurnýja áritanirnar með vissu millibili.

er gerð þegar áritanir eru ennþá í gildi

þarf þegar áritanir eru fallnar úr gildi. Fyrir endurnýjun eru meiri kröfur gerðar

Gildistími skírteinanna sjálfra er 5 ár og þarf að endurútgefa þau á 5 ára fresti.

Áritanir gilda mismunandi lengi:

gildir í eitt ár (IR) og þarf því hæfnipróf hjá prófdómara á eins árs fresti til þess að hún sé í gildi

er kennt í samþykktum skólum. Áritunin gildir í eitt ár og er hæfniprófið hjá prófdómara því tekið samtímis blindflugshæfniprófi ef um báðar áritanir er að ræða.

Flokksáritun á einshreyfils einstjórnar flugvélar með bulluhreyfli er í gildi í tvö ár. Það þarf færnipróf hjá prófdómara til endurnýjunar ef áritunin er fallin úr gildi. Ef áritunin er í gildi þarf hæfnipróf til framlengingar ef flugmaðurinn uppfyllir ekki fartímakröfur á seinna ári gildistímans þ.e. 12 fartíma, 6 sem flugstjóri og 12 flugtök og 12 lendingar og fer í stað hæfniprófs í einnar klst. æfingaflug með flugkennara, á seinna ári gildistímans. Sjá F-kafla í Reglugerð nr. 401/2008 sem er um skírteini flugmanna á flugvél.

Hvað er blindflug og hvernig fæst blindflugsáritun?

Blindflugstími er sá tími sem floginn er eingöngu eftir mælitækjum án viðmiðunar utan stjórnklefans. Þegar ekki eru sjónflugsskilyrði er flogið samkvæmt blindflugsreglum (IFR), en til þess þarf flugmaðurinn að hafa blindflugsáritun í skírteini sínu. Blindflug er kennt í samþykktum skólum og er bæði bóklegt og verklegt. Bóklega blindflugsnámið felst í bóklega atvinnuflugsnámskeiðinu sem er hér í boði. Einnig er hægt að fara á sérstakt bóklegt blindflugsnámskeið, t.d. fyrir einkaflugmenn, ef það er í boði hjá samþykktum skóla. Verklega námið er 50 kennslutímar fyrir blindflugsáritun á einshreyfilsflugvél eða 55 fyrir fjölhreyfla flugvél. Prófdómari Flugmálastjórnar tekur, eftir útskrift frá skóla, blindflugsnemann í færnipróf og síðan er sótt um blindflugsáritun sem er skráð í flugmannsskírteinið í skírteinadeild flugöryggissviðs Flugmálastjórnar. Sjá E-kafla í reglugerð. nr. 401/2008 sem er um skírteini flugliða á flugvél.

Hvað með heilbrigðisvottorð?

Skylt er að hafa gilt heilbrigðisvottorð til að fá útgefið skírteini flugmanns og til að halda því í gildi. Sjá reglugerð nr. 403/2008 sem er um heilbrigðiskröfur fyrir flugmenn.

Heilbrigðisvottorðið þarf að vera í gildi þegar farið er í færni- eða hæfnipróf og fyrsta einflug. Samþykktir fluglæknar gefa út heilbrigðisvottorð fyrir handhafa og umsækjendur um skírteini flugmanna.

1. flokks vottorð fyrir atvinnuflugmenn.
2. flokks fyrir einkaflugmenn. Einkaflugmenn með blindflugsáritun þurfa að uppfylla heyrnarkröfur sem gerðar eru fyrir 1. flokks vottorð.

Sjá nánar um gildistíma heilbrigðisvottorða og hvar fluglæknar starfa á síðunni um Almenn atriði.

Hvað með flugdagbók?

Allir flugmenn eiga sjálfir að færa flugdagbók.

Þeir sem eru handhafar JAR-FCL skírteina þurfa að færa sérstaka JAA flugdagbók. Flugdagbókin á alltaf að fylgja með öllum umsóknargögnum sem lögð eru inn til skírteinadeildar. Í grein 1.080 í í reglugerð nr. 401/2008 um skírteini flugmanna eru leiðbeiningar um hvernig færa skal flugdagbók.